'A Rumba D' 'E Scugnizze | Canzoni Napoletane | Supertesti.it




'A Rumba D' 'E Scugnizze


Testo 'A Rumba D' 'E Scugnizze

(R. VIVIANI)

Chesta è ‘a rumba d‘‘e scugnizze
ca s‘abballa a tutte pizze...
Truove ‘e ddame, ‘mpizze ‘mpizze,
ca te fanno duje carizze
pe‘ te fá passá ‘e verrizze...
Strette ‘e mane, vase e frizze...
Pruove gusto e te ce avvizze,
cchiù te sfrine e cchiù t‘appizze...
Comm‘a tanta pire nizze,
te ne scinne a sghizze a sghizze,
fino a quanno nun scapizze...
Chest‘è ‘a rumba d‘‘e scugnizze!
‘O rilorgio, mo capisco,
pecché ‘o cerco e nun ‘o trovo...
steva appiso...E‘ ghiuto ô ffrisco:
c‘è rimasto sulo ‘o chiuovo...

‘O chiuovo i‘ tengo!
Cic - cic - cic - cí...
Bell‘‘e ‘ammere!
Cic - cic - cic - cí...
Scarole ricce p‘‘a ‘nzalata!
Cic - cic - cic - cí...
Fenócchie!
Cic - cic - cic - cí...
‘O spassatiempo!
Cic - cic - cic - cí...
Mo t‘‘e ccoglio e mo t‘‘e vvengo!
Cic - cic - ci - cí...
Gué, ll‘aglie!
Cic - cic - cic - cí...

Chesta è ‘a rumba d‘‘e scugnizze...
Assettáteve, assettáteve!
ca s‘abballa a tutte pizze...
‘O quadrillo e ‘a figurella!
Truove ‘e ddame, ‘mpizze ‘mpizze...
‘O mastrillo e ‘a rattacasa!
ca te fanno duje carizze...
Quant‘è bello ‘o battilocchio!
Pruove gusto e te ce avvizze...
Pe‘ chi tene ‘a moglie pazza!
Cchiù te sfrine e cchiù t‘appizze...
Quatto sorde, ‘o fenucchietto!

Comm‘a tanta pire nizze...
te ne scinne a sghizze a sghizze,
fin‘a quanno nun scapizze!
Chesta è ‘a rumba d‘‘e scugnizze!

Puparuole e aulive...
Magnáteve ‘o cocco, magnáteve ‘o cocco!
Rrobba vecchia...
Pallune p‘‘allésse, pallune p‘‘allésse!
‘E mellune chine ‘e fuoco...
Na bona marenna, na bona marenna!
Cotogne...
Gelati, gelati, gelati, gelati!
Conciatièlle...
‘A pizza cu ‘alice, ‘a pizza cu ‘alice!
Furno ‘e campagna...
‘E lazze p‘‘e scarpe, ‘e lazze p‘‘e scarpe!
D‘‘o ciardino, tutte secche...
‘A capa d‘‘o purpo, ‘a capa d‘‘o purpo!
‘O Roma!

Chella bella Mamma d‘‘o Cármene v‘‘o ppava:
Nun mm‘‘o ppòzzo faticá!

E‘ bellella ‘a paparella!
Accattateve ‘e piatte!
Seje tuvaglie cinche lire!
N‘ata pianta p‘‘o salotto!
Nocelline americane!
Tengo ‘o ggrano p‘‘a pastiera!
Pacchianè‘, chi s‘‘o ppenzava?
Tiene chistu campo ‘e fave!
Cicchignacco ‘int‘‘a butteglia!
‘O zi‘ monaco ‘mbriacone!
‘O vveleno p‘‘e scarrafune!
‘A dummeneca addó‘ t‘‘a faje?
Comm‘a tanta pire nizze,
te ne scinne a sghizze a sghizze,
fino a quanno nun scapizze!
Chest‘è ‘a rumba d‘‘e scugnizze!

Playlist Spotify

Sei un'artista?

  • Richiedi gratuitamente il profilo per tenerlo aggiornato con le tue novità, inserendo i nuovi album, i nuovi brani, i tuoi futuri concerti e le tue news.
    In questo modo aggiornerai i tuoi Fan di tutti i tuoi progetti, passati e futuri!
    Per richiedere il tuo profilo cerca l'artista sul portale attraverso il box Cerca e clicca su Richiedi il tuo profilo.
    Se non riesci a trovarlo invia un'email a info@supertesti.it con i tuoi dati probabilmente non sei stato ancora inserito come artista.



Tutti i testi musicali contenuti nel sito sono proprieta' dei rispettivi autori. Tutti i testi musicali sono forniti per scopi didattici e solo per uso personale.
Tutte le immagini pubblicate sono proprietà degli aventi diritto.